2022年的士界生存秘笈 – 點入行？人工高唔高？入行20年的士佬嘅親身體驗

大家好，我係個入咗行揸的士20年嘅中年大叔，雖然唔係好叻寫文章，不過而家境氣都唔太好，周圍都搵唔到工，所以都想為大家提供一下我自己嘅意見，幫助下大家搵一條新嘅出路。言歸正傳，呢篇文章主要係新手導向，以一個較淺明嘅角度去介紹的士行業，各位經驗豐富嘅司機大哥可以稍移玉步啦～當然，如果本文有啲咩講得唔好丶唔update亦歡迎大家多多指正。

的士司機點樣入行？又話無發的士牌嘅？

無錯，唔少人都知道香港現時已經無派發的士牌，所以私人持有嘅的士牌就好珍貴喇。現時2022年既的士牌已經炒到去至少500幾萬，可以買一個細單位了。嚟到呢度，可能會有朋友仔問：「咦又話政府無再出的士牌嘅？點解我明明仲見到唔少地方可以學車學埋揸的士，申請的士車牌架喎！」

其實所謂嘅的士牌，係講緊的士嘅營業執照（即係的士司機證）；而喺坊間學車攞牌個隻叫係普通嘅的士駕駛資格，就好似你渣其他商用車咁都要額外申請一個牌照。如果想入行揸的士，咁首先就要有一個相關嘅的士駕駛執照，然後再同人買一個的士嘅營業執照喇！

點先可以考營業執照？

1.    申請人要持有有效嘅正式駕駛執照最少1年（P牌都計）

2.    申請前5年無觸犯《道路交通條例》

3.    筆試合格

4.    完成相關嘅職前課程並獲得證書

的士駕駛執照會考啲咩？

的士考試分為三部份，首先會考核一般嘅的士規例，例如咪錶丶出收據丶照明標記丶上落客丶租的士丶同的士收費等等；之後就會考地方，主要係想考生對香港嘅地方更加熟悉，避免佢哋到時帶住乘客周圍兜（放心，香港九龍新界都會會包埋！）；最後就係丙部，丙部會考返啲基本嘢-道路使用者守則。

好麻煩啊！有冇人幫到我？

當然有啦！喺香港考乜嘢牌都係十分之麻煩，有啲朋友可能又唔係好識上網搵資源溫書，所以往往連第一步筆試都肥佬，咁點搞？其實大可以搵啲的士車行幫手，佢哋而家往往都會提供一站式嘅的士服務，包括的士入行課程丶租放的士丶的士牌買賣等等，好似有啲人冇的士就會喺的士車行租架月租的士搵食喇。

咩車最好揸？

其實老款車揸落一定係最順手，坊間嘅課程唔少都係以舊式的士做教程，所以大家都會最熟悉以前既傳統的士。但係而家都有部份車行推出混能的士，有行家都話混能的士揸起上嚟會比傳統的士好，各有各喜好啦！

的士司機證喺邊度買？

的士司機證一般可以喺的士車行到買，詳情可以去唔同既車行問下！